”Bend it Cup” er ei fotballturnering for alle jenter og gutar i alderen 6-12 år. ”Bend it Cup” er eit samarbeid mellom Noregs Fotballforbund og BAMA.

Fbk Voss er 1 av 53 arrangørstadar i Noreg og 1 av 4 i Hordaland.

Kampane vert spela på klubben si kunstgrasbane, og på to nærliggande grasbanar. Alle lag vil få tre kampar. Fbk Voss håpar å få gjennomført alle kampane i tida kl.10.00-17.00 sundag 26.august.

Me håpar at mange familiar legg turen til Voss idrettsplass denne sundagen i august. Det vert mikrobane for dei opp til 6 år og fotballsti. Meir informasjon ved innsjekking.

Aktivitetar til inntekt for Fotballens barneby

Under Cupen vil Fbk Voss arrangera aktivitetar til inntekt for Fotballens barneby i Livingstone, Zambia.

Oppmodar ALLE til å støtta ei god sak!

Klasseinndeling

• Klasse G07: Gutar fødde i 2005
• Klasse G08: Gutar fødde i 2004
• Klasse G09: Gutar fødde i 2003
• Klasse G10: Gutar fødde i 2002
• Klasse G11: Gutar fødde i 2001
• Klasse G12: Gutar fødde i 2000
• Klasse J07: Jenter fødde i 2005
• Klasse J08: Jenter fødde i 2004
• Klasse J09: Jenter fødde i 2003
• Klasse J10: Jenter fødde i 2002
• Klasse J11: Jenter fødde i 2001
• Klasse J12: Jenter fødde i 2000

Jenter kan delta på gutelag, men gutar kan ikkje delta på jentelag. Eit lag kan stilla med spelarar frå fleire årsklassar, men laget skal då meldast på i den eldste årsklassen som spelarar på laget tilhøyrer.

Me vil gjera vårt beste for å få eigne puljer i alle klassar, men dersom det vert for få påmelde lag i nokon av klassane, kan to klassar verta slått saman.

Spelesystem og speletid

Opp til og med 2002 klassene spelar me 5’ar fotball. De to eldste klassene (2000-2001) spelar 7’ar fotball. NFF sine reglar for arrangering av turneringar, samt NFF sine reglar for 5’ar/7’ar fotball gjeld.

Det vert ikkje arrangert sluttspel. Alle lag får spela minimum 3 kampar. Kampane har speletid på 1 x 25 minutt.

Premiering

Alle lag får same premiering. Dette er ei gåve frå BAMA. Premieutdeling etter andre kamp.

Påmelding, betaling og kampoppsett

Frist for påmelding til turneringa er sett til 15. august 2012. Påmelding skjer via cup assist. Vil du melde på laget ditt no, kan du gå på nettet; www.fbkvoss.no og vel Bend it Cup.

For å kunna planleggja turneringa best mogleg har me sett ei øvre grense for påmelde lag pr. klasse, så det kan vera lurt å vera tidlig ute med påmeldinga.

Påmeldingsavgift

Påmeldingsavgifta er kr. 500,- pr. lag Etter at du har meldt på laget ditt vil du få opp ei faktura i eit eige vindauge på Internett. Denne fakturaen må skrivast ut og betalast før påmeldinga av laget ditt er endeleg.

Påmeldingsavgifta må betalast innan påmeldingsfristen 15. august til kontonummer 3450.37.44254 og merkast med Bend it Cup, men me oppmodar på det sterkaste at de betalar snarast mogleg!

Kontaktinformasjon

Har du spørsmål om turneringa er du hjarteleg velkomen til å kontakta oss. Kontaktperson er Dagleg leiar Arne Førde, som kan treffast på telefon 56 52 91 00 frå kl.0900-1600 måndag-fredag

Spørsmål kan også rettast til Denne e-postadressa er beskytta mot program som samlar e-postadresser. Du må aktivere javaskript for å kunne sjå den.