Superlaget
Sesongen 2011
8. juni
Trenar Ingvill:
- FBK Voss sitt Superlag slo til med to bortesigrar i går kveld! Fyrst 6-0 mot Fyllingen og 4-2 mot Askøy. Stemninga var stor og takk til alle Vossingane som tok turen for å heia!
30. april
Superlaget har no spela sine fyrste kampar i Hordaland Fotballkrins sin Stjerneserie.
Trenar Ingvill fortel:
- På laurdag spela me fyrst mot Fyllingen Tigers 1 på Nymarksbana, der det vart 11-2 tap. Ingemar Vethe og Sandra Soltvedt Kvitne scora måla. Deretter møtte me Fyllingen Tigers 2, der me tapte 3-0, sjølv etter storspel av keeperane våre, Maria Folloso og Anne Reidun Dahle.
- Me er det siste oppstarta laget i serien, så det vart litt forskjell på oss og laga me møtte. Men spelarane lot ikkje tapa gå inn over seg. Dei synes dette var veldig kjekt. Spesielt med nye drakter i til kampane, nye genserar med namnet sitt på – og ikkje minst Mc Donalds etter kampen gjorde dagen til ei stor oppleving.
Nyoppstarta hausten 2010
Fotballklubben tok i august initiativ til eit lag for psykisk utviklingshemma som me har kalla for Superlaget. Hovudtrenar er Ingvill Knapstad Bidne. I tillegg er Petter Fossmark og John Stalheim Tharaldsen med som assistentar. Laget trenar kvar tysdag kl. 14.30 på kunstgraset.
