07.08.2011, Finnmarkshallen

Alta IF- Voss 0-1   (0-1)

Lagoppstilling

Reservar: Maiken Oksnes Godøe og Katrin Oppheim

Alta IF - Voss 0-1

Me tok ein svært viktig bortesiger i Finnmarkshallen i dag. Birte scora kampens einaste mål allereie i det 6. speleminutt.

Status før kampen
Stine er som kjend vorte Toppseriespelar i løpet av sommaren. Karina, Silje og Guro står framleis på skadelista. Men – dei er så smått byrja å røra på seg igjen, kor dei to sistnemnte attpåtil er komne i fotballsko. Gledeleg. Ingvild var denne helga bortreist, medan Laila var uaktuell grunna jobb. I tillegg måtte Oda kasta inn handkledet etter torsdagstreninga med ein skade i ankelen. Ikkje nok med det, Bjarte tok ein for tidleg fødselsperm.

Pin-, PUK-  eller låsekode?
Laurdag: Avreise frå Voss 0445. I Alta 1130. God tid. Diverse aktivitetar og fylgjande nemneverdig historie frå rom 539:

Mari skal slå på iPhone’n sin etter ankomst. Det er alt anna enn lett. Ho meiner bestemt at ho har slått feil pinkode tre gonger og dermed fått iPhone'n sperra. Ho ringjer så til Netcom for å få tak i PUK kode. Men – Mari har ikkje abonnement hjå Netcom. Det visste ikkje ho. Kven veit vel kva abonnement dei har.. Ho får opplyst hjå Netcom at riktig abonnement er Tele2. Ringjer så til Tele2 frå Trine sin telefon og gjentek problemstillinga. Kundebehandlar hjå Tele2 kan då opplysa vår kjære Mari om at telefonen absolutt ikkje er sperra. Ho må berre tasta inn låsekoden fyrst, som ho sjølv har laga og som ein har evig med forsøk på å klara. DERETTER skal ein tasta pinkode!! Kundebehandlaren augnar håp og prøvar lik så godt å få Mari til å kjøpa eit Tele2 abonnement til Trine. Men – DET lukkast dei imidlertid ikkje med. Skal nok atskillig meir til for å lura unge Sævig..

Så, til høgdepunktet: Tre poeng!!
Dei to føregåande kampane i Finnmarkshallen har vore totalt ulike. Tap 3-0 og siger 0-3. Gårsdagens kamp skulle vore spela i mai, men måtte altså flyttast til no.

Kampen startar bra for vår del. Me er på hogget og innstillinga til samtlege er god. Allereie i det 6. speleminutt scorar Birte det som til slutt vert kampens einaste mål. Eit frispark vert slått inn i feltet og det ser ut til at ballen vert stussa til corner. Målvakt, Hætta, kastar seg for å avverja, men slår den nærast i beina til underteikna. Ho prøver sjølvsagt ein avslutning frå skrått hald, men rett på keeper som gir retur. På straffemerket står Birte og trillar den i lengste. Etter målet, kjem Alta høgare i bana og får vel mykje rom på vår høgreside. Deira gode venstrekant, Hagen, kjem til fleire innlegg. Heldigvis for oss er ikkje heimelaget dyktige nok i boksen og får svært sjeldan ekspedert innlegga i retning mål. Me rir etter kvart av 1. omgangen og går til pause med ei noko heldig leiing.

Spenning til siste slutt
I pausen prøvar me å justera avstandane som vart aukande utover i 1. omgangen. Det lukkast me til dels med. Me forventar at Alta flyttar fram folk, noko dei og gjer. Dette gjev imidlertid nokre ekstremt gode overgangsmoglegheiter for oss. Difor er det synd at me ikkje klarar å skapa éin kvalifisert målsjanse dei siste 45. Heimelaget på si side er hakket vassare. Dog, føler eg at dette kjem til å gå vegen. Eg gjer faktisk det. Alta får uansett to store sjansar etter innlegg som vert slått 45, men begge avslutningane vert blåst både over og til side for målet til Lisa. Sjølv om dette er langt frå den beste kampen me har spela i år, er viljen til å vinna der heile tida. Det var mellom anna mangelvare i siste kamp før sommaren.

Sum av summarum er dette ein jamn kamp i banespel, men med eit heilt klart sjanseovertak til heimelaget. Me føler likevel dei tre poenga er fortente, spesielt ettersom marginane ikkje alltid har vore på vår side så langt i sesongen. Sigeren gjer at me klatrar éin plass på tabellen og det er no kortare veg opp enn ned! VIKTIG!

* Bryn Ekehaug spela sin fyrste kamp som midtstoppar i 1. divisjon. Solid levert. Iselinn gjer og ein god jobb i leddet mellom midtbana og Birte. Trine er tilbake etter eit lengre skadeavbrekk - glimrande!

Silje Hauge, steppa inn for permiterte Bjarte og hadde full kontroll.

Neste kamp, laurdag 13. august heime mot Fart kl. 1300

Ekstra

• United tok Community Shield trofeet etter 3-2 siger over byrival City. 2-2 målet = MAGI!
• Tidlegare denne veka vart det klart at sykkelsportens beste lag dei siste åra, HTC, ikkje klarte å skaffa ny sponsor. Det betyr nye lag for ryttarar som Cavendish, Renshaw, Goss og Martin.
• Til slutt er det på sin plass å ynskja, Roger Federer, til lukke med 30 årsdagen i dag den 8. august :)