27.08.2011, Fløyabanen, kvinner 1. div. 14. serierunde

Lagoppstilling

Mål

Fekk det tøft i Tromsø

Etter 0-0 til pause, vart presset for stort i 2. omgang og det stod heile 5-0 til heimelaget ved full tid. Fløya er per no på tabelltopp.

Godkjend 1. omgang
Me leverer relativt bra dei fyrste 45. Trass sjansedominans av heimelaget med mellom anna to skot i treverket, er me absolutt med i banespelet og får ”låna” kula ganske ofte. Det som er bra, er at når me vinn ballen torer å halda den i laget, sjølv om me sjeldan er i nærleiken av Pettersen i Fløya målet. Vertane er saman med Vålerenga seriens klart beste heimelag og står med seks sigrar og ein uavgjort så langt i sesongen - målskilnad 27-2.  

Raknar på slutten
Heimelaget var nok ikkje heilt nøgd med 1. omgangen og går aggressivt ut etter pause. Diverre for oss får dei utteljing allereie i det 48. minutt på deira fyrste corner i kampen. Ballen går ”gjennom” på fyrste stolpe og J-16 spelar, Sara Johansen, er tøffast i duellen frå ein meters hald. Vel 20 minutt seinare aukar U-23 spelar, Eline Johansen, leiinga. Mot slutten raknar me fullstendig og Fløya scorar tre mål dei siste ti minutta. Fløya er eit bra lag med fleire klassespelarar og er i skrivande stund serieleiar.

Neste kamp, heime mot Alta laurdag 3. september kl. 1800.

Mari og iPhonen, del 2

Me hugsar historia i frå Alta, då Mari trudde ho hadde tasta pinkoden feil tre gonger, men så var det berre hennar eigen låsekode ho hadde gløymd. På denne turen derimot, var det faktisk pinkoden som blei eit problem. Mari har nemleg nyleg fått nytt abonnement hjå LUDO – selskapet som ikkje har kundebehandling i helgene! Ergo; Ingen telekommunikasjon med Sævig denne helga.

Ekstra

• Bergensaren, Stian Remme, gjekk i går heilt til topps i Birkebeinerrittet.
• Solbakken kunne laurdag jubla for sin fyrste trepoengar etter 3-4 borte mot Hamburg. Gledeleg!
• VM i Daegu er i gang. Lightning Bolt show skjer 1345 i dag!