Fotballfritidsordning (FFO)
TelenorXtra – FBK Voss Fotballfritidsordning (FFO)
Telenor Xtra FFO er eit landsomfattande samarbeid mellom Norges Fotballforbund og Telenor der ein ynskjer å gje born eit fotballtilbod og aktivitetstilbod etter skuletid. Hovudmålet er å utvikle rørsleglede og gode vanar.
FBK Voss er ansvarleg for å gjennomføra denne ordninga på Voss. Me er veldig glad for å ha dette tilbodet til borna, eitt tilbod med fokus på fysisk aktivitet, men òg på fair play, trening av sosiale eigenskapar og kosthald.
FBK Voss har 2 ulike FFO-tilbod som breier seg over 4 dagar i veka – FFO+ måndagar og FFO tysdag, onsdag (med atterhald om nok påmeldte) og torsdag, meir informasjon under.
PÅMELDING TIL TelenorXtra – FBK Voss Fotballfritidsordning (FFO) 2026/27 ER OPNA - SJÅ INFORMASJON OM TILBODET UNDER
Me har no opna påmelding for skuleåret 2026/27, nytt link under for å melde på ditt born!
Oppstart haust 2026: Mandag 17.august - Opningstid: kl. 13.30 til 16.15, kjernetid frå kl. 14.30-16.00.
Alle deltakarane får:
- Motiverte og engasjerte instruktørar som ynskjer å skapa stor aktivitet med god kvalitet på kvar økt! Og ikkje minst bidra til at borna har lyst å gjera sitt beste, får meistringskjensle og blir sett!
- Treningsdress, shorts og T-skjorte frå Telenor Xtra (eigenandel 125,- kr.)
- Fasilitetar og utstyr til aktiviteten
- Lukka Spondgruppe med informasjon om all aktivitet
- Syskenrabatt på 20% av avgifta på sysken nr. 2. Ved ulikt tal dagar eller ulik sum avgift mellom sysken, vert rabatten give på den lågaste avgifta.
- 50% RABATT på ein av fotballskulane til FBK Voss. NB! Eiga påmelding for desse tiltaka - informasjon kjem fortløpande på nettsider/facebook.
Aktivitetstilbod
FFO+ 5-7 trinn måndag – tilbod til alle borneskulane på Voss
- Eit fotballspesifikt aktivitetstilbod, med fokus på utvikling av eigenskapar direkte knytt til fotballspelaren. Temabaserte økter som gjev utvikling, læring og meistring, og som tek utgangpunkt i NFF sine skuleringsplanar.
- Sunt og godt mellommåltid (Til dømes smoothie, nøtter, frukt og grønsaker)
FFO. 3-5 trinn tysdag, onsdag (med atterhald om nok påmeldte) og torsdag – tilbod til Gjernes, Gullfjordungen og Vangen skule
- Eit generelt aktivitetstilbod med fokus på allsidigheit og meistring i eit variert utviklingsmiljø.
- Fokus på ferdigheitsutvikling og rørsleglede gjennom allsidig leikprega aktivitet
- Transport frå skule til FFO i vintersesong
- Måltid med variert og sunn meny
- Moglegheit til å gjera lekser
Rutinar
| FFO+ (Måndagar) | FFO (Tysdag, Onsdag, Torsdag) | |
| For kven | Elevar i 5. - 7. klasse ved alle barneskular i Voss Herad. | 3. -5. klasse ved Gjernes, Vangen og Gullfjordungen |
| Transport | Elevane må sjølve komme seg til Voss Idrettshall. | Instruktørar ved FFO hentar elevane på deira respektive skula fyrste gongen, ellers kjem dei seg ned på eiga hand ved å gå eller sykle vår/haust. Om vinteren er det transport med minibuss frå Gjernes og Gullfjordungen. |
| Oppmøte/henting | Mellom 13:30 og 14:45 møter elevane i Idrettshallen. Alle vert registrert. | Mellom 13:30 og 14:00 vert elevane henta ved skulane, eller dei kjem seg til Idrettshallen på eiga hand. Alle vert registrert |
| Del 1 | Frå 13:45 til 14:45 får ein servert frukt og grønt, og ein kan gjere lekser dersom ein ynskjer det. | Frå 13:30 til 14:45 vert det servert mat. Variert og sunn meny. Dei som er tidleg ferdig kan spele spel, gjere lekser eller slappe av før aktivitet |
| Del 2 | Frå 14:45 til 16:00 er det fotballtrening. Vår, sommar og haust held ein til ute på kunstgraset, men idrettshallen vert nytta vinterstid om behov. | Frå 14:45 til 15:55 er det aktivitet. Ein vektlegg at denne skal vera allsidig og tilpassa årstidene. Borna er med og bidreg med rydding av utstyr. |
| Del 3 | Frå 16:00 - Oppsummering av økta og rydding av utstyr. Borna tek seg heim på eiga hand, eller vert henta. | Frå 16:00 til 16:15 Borna går/sykler heim, eller vert henta. |
| Dag slutt | 16:15 | 16:15 |
NB!
FFO+ er eit tilbod til alle elevar i 5.-7. klasse i Voss herad.
FFO er tysdag, onsdag (med atterhald om nok påmeldte) og torsdag og eit tilbod til elevar i 3.- 5. klasse ved Gjernes, Gullfjordungen og Vangen Skule.
Prisar 2025/26:
FFO+:
1 dag: 839,- per månad
FFO:
1 dag: 939,- per månad
2 dagar: 1569,- per månad
3 dagar: 1895,- per månad
4.dagar: 2200,- per månad
Kombinerer ein FFO+ med ein eller fleire dagar på FFO gjeld prisane for FFO.
Kontakt og spørsmål
Alle spørsmål i høve påmelding og informasjon kan rettast til:
Leiar ved FFO
Sjur Skeie Petersen
E-post: [email protected]
