Victor Larsson ny trenar for herre 1

Det gler oss å kunne presentera Victor Larsson som ny trenar for FBK Voss herre 1, som frå og med neste sesong spelar i 5.divisjon.

Larsson bur i Lofthus med familien, og jobbar som lærar i Kinsarvik. Opphaveleg kjem han frå Sverige, der han har vore aktiv fotballspelar på 2.divisjonsnivå. Larsson har vore trenar på aldersbestemte lag i Harding, og tar for tida formell trenarutdanning. 

Herrefotballen i FBK Voss går spennande tider i møte, når ein i komande sesong freistar å etablera eitt seniorlag i 5.divisjon, eitt seniorlag i 6.divisjon samt juniorlag. Treningane med ei stor herregruppe er så smått i gang, og den nye hovudtrenaren er svært motivert for å ta fatt på jobben. Me ynskjer Victor velkomen til klubben, og ser fram til ny fotballsesong med fleire herrelag i aksjon.